966 Бардыгы /

МОСКВА.  Кыргыз Республикасынын Тышкы иштер министрлиги Орусия Федерациясындагы Кыргыз Республикасынын дипломатиялык Өкүлчүлүктөрү тарабынан, тактап айтканда Кыргыз Республикасынын Москвадагы Элчилиги, Санкт-Петербургдагы Кыргыз Республикасынын Элчилигинин кеңсеси, Екатеринбург жана Новосибирск шаарларындагыКыргыз Республикасынын Башкы консулдугу Кыргыз Республикасына кайтып келүү үчүн чартердик рейстерге жарандардын тизмесин түзүүнү токтотуу жөнүндө бир жаңсыл чечим кабыл алды.

         Ушуга байланыштуу, «Авиатраффик», «Аэрофлот», «Сибирь», «ТезЖет» жана «Уральские авиалинии» авиакомпанияларына авиабилеттерди өздөрүнүн расмий авиакассалары, же авиакомпаниянын веб-сайттары аркылуу гана өз алдынча сатууга укук берилет. Ошондуктан, үстүбүздөгү жылдын 27-августунан тартып Кыргызстандын бардык жарандары Мекенине учууну кааласа, Кыргыз Элчиге кайрылбай эле авиабилеттерди түз эле «Авиатраффик», «Аэрофлот»,«Сибирь», «ТезДжет» жана «Уральские авиалинии» авиакомпанияларынын авиакассаларынан,  же алардын расмий сайттарынан онлайн режиминде сатып ала алышат.

  Ушул тапта жогорудагы авиакомпаниялардын  учактары Бишкек  жана Ош шаарларына Москва, Санкт-Петербург, Новосибирск  жана Екатеринбург шаарларынан тынбай жана өз маалында эле учуп  жатышат.

Алишер ТОКСОНБАЕВ, өз кабарчы