825 Бардыгы /

ЖАЛАЛ-АБАД. Жалал-Абад шаарында төрөлгөн үч эм бүгүн төрөтканадан чыгарылды.

Жалал-Абад шаарынын мэри Эрнисбек Ормоков төрөлгөн үч эмден кабар алып, наристелердин абалы менен таанышты. Калаа башчы үч эмдин жакындары менен жолугуп, энеси Гүлнара Бүркүтовага резервдик фонддон 15 миң сом акча каражатын тапшырды.

Аны менен катар үч эмге үй берүү маселеси да көтөрүлдү. Эрнисбек Ормоков жалгыз бой эненин жаңы төрөлгөн наристелерине батир берүүнү шаардык кеңештин депутаттарына сунуштай турганын билдирди. Эл өкүлдөрү сунушту колдоп берсе бөбөктөргө үй берилет.

Эскерте кетсек, ушул жылдын 31-март күнү облустук төрөт үйүндө үч эм жарыкка келген. Аларга Аделина, Адилет, Аделя деп ысым ыйгарышкан.

“Аймак”