954 Бардыгы /

ЖАЛАЛ-АБАД. Жалал-Абад шаарында жайгашкан мамлекеттик санитардык-эпидемиологиялык көзөмөлдөө борборунун медкызматкерлерине, облустук кургак учукка каршы күрөшүү борборунун дарыгерлерине жана анда дарыланып жаткан бейтаптарга «Акжол» балдарды комплекстүү реабилитациялоо борборунун эмгек жамаатына жана андагы балдарга жалпы 600 ооч ачыруу баштыктарын таратышты.

Катар кайрымдуулук уюмунун ата-энеси жок балдар менен иштөө бөлүмүнүн куратору Гүлчехра Сополоеванын айтымында орозо айында ооз ачыруу өлкө боюнча 18 миң ооз ачыруу баштыктарын таратуу кайрымдуулук иш-чарасы жүрүп жатат. Алар Жалал-Абад, Нарын, Баткен жана Чүй облустарын камтыйт.

«Алгачкы ооз ачыруу баштыктарын тартуу Жалал-Абад шаарынан башталды учурда 4 миң баштык жогоруда көрсөтүлгөн кызматкерлерге, аз камсыз болгон үй-бүлөлөргө жана балдар үйүнө таратылып жатат. Алдыда күч түзүмдөрүнө, тазалык кызматына, үй-бүлөлүк дарыгерлер топторуна ооз ачыруу баштыктарын таратабыз»,- деди Г.Сополоева.

Белгилей кетсек, Катар кайрымдуулук уюму Кыргызстанда 7жылдан бери иш алып барууда. Уюм тарабынан бул аралыкта 8 ФАП (фельдешдик- акушердик пункт) жашоо шарты начар жакыр үй-бүлөлөргө баардык шарттары менен 4 үй куруп берилди. Ошондой эле 2000ден ашык атасыз балдарга ай сайын жөлөк пул төлөнүп келүүдө.

Элиза АКЖОЛТОЕВА, “Аймак”