795 Бардыгы /

ЖАЛАЛ-АБАД. Бүгүн 1-июнь –  Балдарды  коргоонун  эл аралык  күнү. Бул күнгө карата Жалал-Абад областтык ички иштер башкармалыгы тарабынан Ноокен районундагы Ж.Ниязов атындагы жалпы билим берүүчү (көмөкчү) мектебине акчалай  колдоо көрсөтүлдү.

 Жалал-Абад ОИИБдин басма сөз кызматы маалымдагандай, берилген акча каражаты мектептин директору Эрик Абдурахманов бул акчалар мектептин тарбиялануучулары үчүн эс алуу аянтчасына керектүү шаймандарга иштетиле тургандыгын белгиледи. Мектептин аймагында жүрүп жаткан жумуштары менен тааныштырып, акчалай колдоого келген каражат жумшала турган курулушту көрсөттү. Ошондой эле  Жалал-Абад ОИИБдин жетекчилигине жана өздүк курамына ыраазычылык билдирип, иштерине ийгиликтерди каалады.

Буга чейин аталган мектепке Ноокен РИИБдин жетекчилиги тарабынан дагы акчалай колдоо көрсөтүлгөн.

Ал эми Жалал-Абад облусунун аймагындагы шаардык жана райондук ички иштер бөлүмдөрүнүн өздүк курамы балдардын коопсуздугун көзөмөлгө алышууда. Жалал-Абад, Базар-Коргон, Ноокен, Ала-Бука, Кара-Көл ШРИИБдеринин кызматкерлери эл көп топтолгон жайларда профилактикалык иштерди жүргүзүшүүдө.

“Аймак”