690 Бардыгы /

          БАТКЕН. “Интербилим” коомдук бирикмесинин өкүлү, укук коргоочу Гүлгаакы Мамасалиеваны Тажик чек арачылары түшүндүрүү иштерин жүргүзгөндөн соң үйүнө – Ош шаарына кое беришти. Бул фактыны УКМКнын Чек ара кызматынын Баткендеги бөлүмү дагы ырастады.

Баса, Гүлгаакы Мамасалиева ушул жылдын 15-июнунда Баткендин Жаңы-Жер Айыл Өкмөтүндөгү шайлоого байкоо салуу максатында барган эле. Ал Жаңы-Жер кыштагына бара жатып, ага чектеш жайланышкан Тажикстандын аймагына билбестен кирип кеткендиктен, дароо Тажик чек арачыларынын колуна түшүп калган.

Гүлгаакы Мамасалиева Баткенде Кыргыз-Тажик чек арасындагы куралдуу кагылыш убагында талкаланган үйлөрдү, социалдык объектилерди калыбына келтирүү иштерине мониторинг жүргүзгөн топтун мүчөсү. Кыргыз-Тажик чек арасында соңку куралдуу кагылышта 36 кыргызстандык, 19 тажикстандык каза тапты.

Алишер ТОКСОНБАЕВ, өз кабарчы