1,308 Бардыгы /

ЖАЛАЛ-АБАД. Жалал-Абад облусунун Ала-Бука районунун Ак-Коргон айыл аймагындагы Баястан айылында “Бай-Талаа” ири соода логистикалык борбордун курулушу башталды.

Ал буга чейин Өзбекистан Республикасынын Наманган облусу менен Кыргызстандын Жалал-Абад облустарынын ортосунда түзүлгөн кызматташуу жол картасынын алкагында  ишке ашууда.

Аталган соода логистикалык борбордун пайдубалына капсула салуу иш-чарасына Министрлер кабинетинин Жалал-Абад облусундагы ыйгарым укуктуу өкүлү Абсаттар Сыргабаев, Наманган облусунун акиминин орун басары Окибжон Инамов, Жогорку Кеңештин депутаты Азизбек Турсунбаев, жергиликтүү бийлик жетекчилери жана айыл тургундар катшты.

Өкүл бул кадамдар өлкө башчыларынын жолугушуусундагы демилгелерди ишке ашыруу, эки элдин ынтымагын бекемдөө, жашоо турмушун жакшыртуу менен ишкердикти колдоо багытындагы аракеттер экенин баса белгиледи.

Ала-Бука районунун Баястан айылындагы “Бай-Талаа” соода логистикалык борбору Наманган облусунун Кара-Суу айылына жакын болгон чек ара аймагында жайгашып, жалпы аянты 20 гектар жерди ээлейт. Анда эки областта өндүрүлгөн айыл чарба, эт азыктарын сактоо, экпорто чыгаруу, тээри менен жүндү кайра иштетүү жана башка бир канча багыттар боюнчаиш алып барылат.

Мекеменин курулушу аяктаса анда эки миңдей жумушчу орун түзүлөт. Азыркы учурда борборго керектелүүчү коммуникациялык иштер бүткөрүлүп, 75 метр тереңдиктен суу чагырылган. Долбоордун биринчи этабын ушул жылдын сентаябрь айына бүткөрүү пландалып, ал Жалал-Абаддагы “Кыргыз Эко Экспорт”жоопкерчилиги чектелген коомуменен Наманган облустарынын жеке ишкерлеринин биргелешкен каржылоосунда жүрүүдө.