1,128 Бардыгы /

БАТКЕН. Баткен жергесинде Кыргыз-Тажик мамлекеттик чек арасында аткезчиликке бөгөт коюу максатында атайын биргелешкен чек ара операциясы ийгиликтүү жыйынтыкталды. Бул жөнүндө Улуттук коопсуздук боюнча мамлекеттик комитетинин (УКМКнын) Мамлекеттик Чек ара кызматынан билдиришти.

Маалыматка караганда,  аталган операцияга Мамлекеттик Чек ара кызматынын Баткен облусу боюнча башкармалыгы жетекчилик кылды. Буга жергиликтүү бийлик, күч органдарынын жана тийиштүү түзүмдөрдүн Баткен облусунда жайгашкан бөлүктөрү дагы абдан активдүү катышышты. Негизги максат: Кыргызстандын экономикалык кызыкчылыктарын коргоого багытталган иш-чараларды тынымсыз өткөрүү.

Баса, буга дейре коңшулаш эки өлкө ортосунда аткезчилик токтобой жаткандыгына президенттер Садыр Жапаров жана Эмомали Рахмон дагы  быйыл 28-июнда терең тынчсыздануусун  ачыкташкан эле.

Баса, быйыл 28-30-апрелде жана 1-майда Баткендеги Кыргыз-Тажик чек арасындагы куралдуу кагылышта 36 кыргызстандык каза тапкан. Бир катар үйлөр, социалдык объекттер өрттөлүп, анан дагы талкаланып, жараксыздалган. Тажикстан 19 жараны каза тапкандыгын жар салган. Бул тарагедияга эки өлкө бирин бири айыптап, а түгүл кылмыш иштерин дагы козгошкон.

Алишер ТОКСОНБАЕВ, өз кабарчы