1,548 Бардыгы /

БАТКЕН. “Тилектештик автобусу” долбооруна катышкан адвокаттар жана мамлекеттик органдардын кызматкерлери тарабынан Баткен облусунун Баткен районундагы Самаркандек жана Жаңы-Бек айылдарынын жашоочуларына 87 ирет акысыз укуктук кеп-кеңештер айтылды.

Баса, элет калкы менен жолугушуулар Баткен районундагы Самаркандек Айыл Өкмөтүнө караштуу К.Тагаев атындагы орто мектебинде, Ак-Сай Айыл Өкмөтүнүн кеңсесинде жана Миң-Булак орто мектебининин алкагында өткөрүлдү. Жолугушуулардын жүрүшүндө жергиликтүү тургундар негизинен пенсияларды жана жөлөк пулдарды чегерүү маселелери жаатында, жер тилкелерин берүү, кыймылсыз мүлккө укуктарды каттоо, салыктарды жана башка милдеттүү төлөмдөрдү эсептөө жана төлөө, өңдөнгөн башка маселелер менен дагы кайрылышты.

“Тилектештик автобусу” эми Баткен районундагы Говсувар, Ак-Татыр айылдарын дагы катарынан кыдырат. Ошентип, жергиликтүү тургундар менен кездешүү Ак-Татыр Айыл Өкмөтүнүн кеңсесинде дагы өткөрүлөт.

Алишер ТОКСОНБАЕВ, өз кабарчы