2,397 Бардыгы /

БАТКЕН. Баткен районунун чек арадагы Максат айылында Кыргыз-Тажик жаңжалынан жапа чегишкендер үчүн 70 жаңы заманбап үй курулду. Бул тууралуу Президенттин Баткен облусундагы Өкүлчүлүгүнөн кабарлашты.

Маалыматка караганда, ушул жылдын 31-августуна дейре Кыргызстандын Эгемендүүлүк күнүнө карата дагы 70 жаңы заманбап үйдүн курулуш иштери бүткөрүлөт. Бул жапжаңы үйлөрдү Дуваташ Кыргыз-Түрк биргелешкен ишканасы куруп жаткан чагы. Үйлөр отко жана сууга туруштук берүү талаптарын эске алуу менен дүйнөдөгү эң ири курулуш компанияларынын технологиялары боюнча гана курулууда.

Ошентип, Баткендеги жаңы турак жайлар заманбап керектүү нерселердин баары менен жабдылып жаткан чагы. Ал эми Түркиядан сапаттуу курулуш материалдары алынып келинип, пайдаланылууда.

Алишер ТОКСОНБАЕВ, өз кабарчы