942 Бардыгы /

Жалал-Абад шаардык мэриясынын алдындагы “Жалал-Абад Тазалык” муниципалдык ишканасындагы таштанды жыйноочу 15 унаанын 8и учурда оңдоого муктаж.
Бул тууралуу аталган мекеменин жетекчиси Айбек Джолдошев билдирген. Унаалардын мындай абалы шаар аймагындагы таштандыларды өз убагында жыйноого тоскоолдук жаратууда. Андан сырткары жумушчулардын жетишпестиги да кошумча көйгөй жаратып жатат. Тагыраагы 31 жумушчунун 15и жумушка чыкпай жатат. Алардын ордуна жумушчуларды издөө аракетинен да майнап чыкпай келүүдө.
Аталган мекеменин жетекчиси жаралган ыңгайсыздык үчүн шаар тургундарынан кечирим сурап, абалды жайгаруу үчүн болгон күч аракет жумшалып жатканын билдирди. Белгилүү болгондой учурда эки долбоор жазылган, ал колдоо тапса 10 таштанды жыйноочу унаа сатып алынат. Андан сырткары демөөрчүлөр тарабынан да кыска убакытта жаңы техника келээри пландалууда.