2,127 Бардыгы /

ОШ. Ош шаарында “Кыргызстандын биомаданий көп түрдүүлүк дүйнөсүнө саякат: Чыгармачылык көркөм лабораториялар” аттуу көргөзмө ачылды.

 Тургунбай Садыков атындагы Ош облустук көркөм сүрөт музейинен билдиришкендей, аталган иш-чарада өлкөбүздүн бийик тоолуу аймактарынын эң ириси  – Чоң-Алай жергесинде Кыргызстанджын Түштүк башкалаасынын сүрөтчүлөрү жараткан алтымышка чукул эмгектердин бет ачаары жүрүп жатат.

Ошентип, августтун башында оштук он сүрөтчү көчмөн цивилизациясынын маданий жана табигый мурастарын тереңирээк изилдөө үчүн арт-лабораторияга катышышкан. Жергиликтүү маданияттын өзгөчөлүктөрүнө терең чөмүлүү, сүрөтчүлөргө аймактын тарыхын түшүнүүгө, жергиликтүү жашоо образынын өзгөчөлүктөрүн сезүүгө, тарыхтын кыйын учурларын түстөрдө сактап калуу үчүн абдан жардам берди. Ошондуктан, сүрөттөр эмоционалдык жактан каныккан, билимге сиңген, ошол күндөрү сүрөтчүлөрдү курчап турган адамдардын жылуу мамилесинен улам гана жаралды.

Жергиликтүү сүрөткерлер айтылуу Чоң-Алайдын кооз жерлерине – жайлоого, шаркыратмаларга, капчыгайларга, атактуу Ленин чокусуна, булактарга: Алай районунун Гүлчө айылындагы Курманжан датка тарыхый -этнографиялык музейине, 18-кылымдын чеби Дароот-Коргон айылында Кокон хандыгынын доору, “Кыз-Мазар” булагы, Чолок-Кайың жайлоосу, Дароот-Коргон айылынын панорамасы, экологияны коргоо фондунун эко-активисттери менен, этнографиялык жамаат Сары-Могол айылынын музейине дейре барышып, Ленин чокусунун панорамасы жана Тулпар көлдун кооздугуна өлө суктанып кайтышкан.

Алишер ТОКСОНБАЕВ, өз кабарчы