2,430 Бардыгы /

ЖАЛАЛ-АБАД. Бүгүн, 23-сентябрда Аксы районунун Жерге-Тал айыл аймагындагы Абдыжапар Эрматов атындагы орто мектебинде Кыргыз тили күнүнө арналган майрамдык иш-чара болуп өттү.

Кыргыз тили күнүнө арналган майрамдык иш-чарада райондун Жерге-Тал айыл аймагынын башчысы Зулайка Көпөева жана Аксы районунун мамлекеттик администрациясынын башчысынын орун басары Дамира Абдылдаева, акын жазуучу Абдымомун Калбаев сөз сүйлөп куттукташты. Андан соң мектептин мугалимдеринин жана окуучуларынын күчү менен даярдалган чоң программадагы концерт тартууланып, кыргыз тили данкталды. Эне тилге арналган ырлар, көркөм окуулар, кыргыз эл бийлери тартууланды. Мамлекеттик тилге арналган бул салтанат шаң менен өттүп, келгендерге чоң таасир калтырды. Салтанатка райондун айыл өкмөтүнүн башчылары, райондук элге билим берүү бөлүмүнүн адистери катышты.

Абдымомун КАЛБАЕВ,  Аксы району