900 Бардыгы /

БИШКЕК. Кыргызстандын футбол Союзунун президенти Канатбек Маматов ээлеген кызматынан бошоду. Бул маалыматты ал өзү кабарчыбызга тастыктады.

Мындай кадамга анын чоң саясатка аттангандыгы себепкер экендигин жашырган жок: – Жогорку Кеңештин күздөгү шайлоосуна катышам. Эки жолдун бирин иргөөгө туура келди. Ошондуктан, мен ээлеген кызматымды тапшырып, саясат жолун гана тандадым, — деп кошумчалады Канатбек Маматов. Бирок Канатбек Маматов парламентке кайсы партия менен бараарын али ачыктаган жок. 47 жаштагы кесипкөй футболчу “Алай” (Ош), “HAL Бангалор№ (Индия), “ITI Бангалор” (Индия) жана ардагерлердин “Топ-Юнайтед”, “Абдыш-Ата” клубдарында ийгиликтүү ойногон.

Баса, Канатбек Маматов 2016-2019-жылдары Кыргызстандын Футбол федерациясынын вице-президенти эле. 2019-жылдын 9-февралында ал Футбол уюмунун президенттигине дагы шайланган. Былтыр Федерация юридикалык макамын өзгөртүп, “Кыргыз футбол Союзу” юридикалык тараптардын бирикмесине айланган.

Алишер ТОКСОНБАЕВ, өз кабарчы