1,491 Бардыгы /

ЖАЛАЛ-АБАД. Бүгүн, 6-октябрь күнү Кыргыз почтасы мамлекеттик ишканасынын Жалал-Абад шаарындагы бөлүмү өз кардарлары жана шаардыктар үчүн ачык эшиктер күнүн өткөрдү.

Келгендерге кызматкерлер жарманке уюштуруп, почта ишканасы тууралуу кенен маалымат беришти. Жалал-Абад шаардык кыргыз почта ишканасы жыл сайын 900 миндей кат кабарларды өз даректерине жеткирет. Аларды таратууда 8 бөлүмдө 42 кызматкер иштейт. Мындан сырткары 1,5 миң карылар пенсия алууда кыргыз почтасынын кызматын колдонушат. Ошондой эле 3 миң адамга жыл сайын түрдүү посылкаларды да үйүнө чейин жеткирип беришет. Акыркы учурда интернет аркылуу бум сатып алган кардарларды да тейлей башташты. Ошондой эле 6 редакциянын гезиттерин жеткирип, 50дөн ашык гезитке катталган адамдарга гезит-журналдарды жеткирип турат. 9-октябрь бул тармактын кызматкерлери өздөрүнүн кесиптик майрамын белгилейт. Ачык эшиктер күнү ошол датага байланыштуу уюштурулган.

Бубүсара ОРОЗАЛИЕВА, “Аймак”