888 Бардыгы /

ЖАЛАЛ-АБАД. Бүгүн, 6-октябрт күнү Жалал-Абад шаарында өлкөдөгү ишкерлерди бир аянтчага чогулткан «Бизнес Караван» иш чарасы өтүүдө. Ага Кыргызстандын түштүк облусунун жана Талас, Ысык-Көл аймактарынан келген ишкерлер катышууда.

“Бизнес Караван” бул региондогу ишкерлер ортосундагы байланышты жакшыртуу жана туруктуу бизнес өнөктөш табууга чоң мүмкүнчүлүк жараткан аянтча. Анын максаты аймактардагы ишкерлерге колдоо көрсөтүү, тренддер менен кабардар кылуу, региондогу туризм тармагына көңүл буруу жана инвестиция тартууга көмөктөшүү болуп саналат.
Иш-чарада Кыргызстандагы белгилүү ишкерлер катышуучулар менен тажрыйбасын бөлүшүп, кепкеңештерин беришет. “Бизнес Караван” ЕККУнун каржылык колдоосу менен Ишкерлерди колдоо борбору тарабынан уюштурулууда. Аны өткөрүүнү ЖИА бизнес ассоциациясы демилгелеген. Эки күндүк иш-чара эртең Артсанбап эс алуу жайында улантылып, туризм тармагы талкууланат.

Бүбүсара ОРОЗАЛИЕВА, “Аймак”