909 Бардыгы /

ЖАЛАЛ-АБАД. Бүгүн, 29-октябрда Жалал-Абад шаардык мэриясында 9 айдын жыйынтыгын чыгарган коллегия болуп өттү.

Жалал-Абад шаардык мэриясынын коллегиясынашаардын мэри Эрнисбек Ормоков, вице-мэрлер, шаардагы бардык мекеме-ишканалардын жетекчилери катышты. Анда 9 ай аралыгында экономикалык, социалдык, курулуш жана коммуналдык тармактагы аткарылган иштердин жыйынтыгы чыгарылды. Анда айрым жетекчилерге эскертүүлөр берилип, кемчиликтерди жоюу жана коюлган иш-пландарды жыл аягына чейин ашыгы менен аткаруу талабы коюлду. Ошондой эле жыйында 2021-жылдын  үчүнчү чейрегинин жыйынтыгы боюнча өнөр жай ишканалары тарабынан 3 млрд. 445,8 млн. сомдук продукция өндүрүлгөнү, ал өткөн жылдын ушул мезгилине салыштырмалуу 897,5 млн. сомго көп экендиги айтылды. Ал эми шаарда жайгашкан чакан жана кичи ишканалар тарабынан 255,8  млн. сомдук өнөр-жай продукциясы өндүрүлүп, өткөн жылдын ушул мезгилине салыштырмалуу өсүү темпи 184,3%га жогорулаган. Ошондой эле шаарыбыздын жеке ишкерлери тарабынан 85,7 млн. сомдук продукция өндүрүлүп, өткөн жылга салыштырмалуу өндүрүлгөн продукциянын өсүү темпи 121%ды түздү.

Белгилей кетсек, Жалал-Абад шаарынын 2021-жылдын 9 айынын жергиликтүү бюджетин киреше бөлүгүнүн жалпы Кыргыз Республикасынын Финансы министрлиги тарабынан жеткизилген такталган планы 394 659,4 миң сом болсо, 395 848 миң сомго аткарылган. Бул такталган пландан 1 188,8 миң сомго көп түшкөн.