1,866 Бардыгы /

ЖАЛАЛ-АБАД. Бүгүн, 29-октябрда ЭАУда 1-курста билим алгандарга студент наамын ыйгаруу салтанаты өткөрүлдү. Бул тууралуу  ЭАУнун кесиптик багыт берүү жана коомчулук менен байланыштар кызматы маалымдады.

К.Ш. Токтомаматов атындагы Эл аралык университети  мурунтан келе жаткан салтты улап (ЭАУ, Жалал-Абад ш.) чоң жыйындар залында 1-курста билим алгандарга студент наамын ыйгаруу салтанатын өткөрүштү. Студенттик турмуштун эң маанилүү биринчи майрамы – биринчи курста студент наамын ыйгаруу салтанаты болуп саналат. Салтанаттын башында ЭАУнун ректору, э.и.д., профессор, РМА академиги Сатыбалды Өмүрзаков 1-курс студенттерин алардын алгачкы студенттик майрамы менен куттуктап, алардын өкүлдөрүнө символикалык студенттик билет, символикалык сынак китепчесин жана ЭАУнун билим ачкычын тапшырды. Андан кийин ЭАУнун маданий-эстетикалык борбору жана жаштар иштери боюнча комитети университеттин студенттик активинин башын бириктиришип, майрамдык концерт тартуулашты. Концертте окуу жайдын мыкты ырчылары шаңдуу ырларды ырдап, бий топтору улуттук жана заманбап бийлерди бийлеп,  тамашакөйлөр жана амалкөйлөр топтору (КВН командалары) учкул тамашаларды тартуулашты.

Жалпысынан 1-курстагыларга студент наамын ыйгаруу салтанаты жогорку уюшкандыкта жана ЭАУнун мыкты салттарында өткөрүлдү.

“ЭАУнун биринчи 1-студенттерин студент наамынын ыйгарылышы менен чын жүрөктөн куттуктайбыз жана окуусунда албан-албан ийгиликтерди каалайбыз!”,- дейт ректорат.