1,347 Бардыгы /

Кымбаттуу мекендештер!

Саналуу убакыттардан кийин биз күткөн 2022-жаңы Жолборс жылы кирип келет. Баарыңыздарды кирип келе жаткан жаңы жылыңыздар менен куттуктайм!

Жаңы жыл жакшылыктын жана үмүттүн символу. Келе жаткан жыл ар бир кыргызстандык, анын ичинде Жалал-Абад шаарынын тургундары үчүн берекенин, токчулуктун, молчулуктун, жылы болсун! Ал эми жаштарыбыз болсо илимге, билимге сугарылып, жаңы ийгиликтерди багындырсын!

“Карысы бардын, ырысы бар” дегендей, карыяларыбызга бекем ден соолук, бакубат жашоо каалайм. Ар бир үйдө наристе күлкүсү жаңырып турсун.  Шаарыбыз жылдан жылга өсүп-өнүгүп, республикабыздагы кооз шаарлардын бирине айлануусуна ар бирибиз салымыбызды кошкондо гана ийгиликтерди чогуу багынтабыз.

2021-жылы шаарыбыз социалдык-экономикалык жактан бир топ алдыга жылып, элибиздин жашоо-турмушун оңдоого болгон аракеттерибизди жумшадык. Бул аракетибиз 2022-жылы мындан жогорку деңгээлде улантылып, шаарыбыздын инфраструктурасын, билим берүү жана саламаттыкты сактоо тармагын мындан да жакшыртууга болгон күч аракетибизди жумшайбыз.

Урматтуу кыргызстандыктар! Урматтуу шаарыбыздын тургундары жана коноктору! Жаңырган жыл элибизге токчулук менен молчулукту, бекем ынтымак жана өнүгүүнү алып келсин! Элибиз оорудан алыс болуп, ар бир үйдө наристенин күлкүсү жаңырсын! Дагы бир жолу баарыңыздарды жаңы жылыңыздар менен куттуктайм.

Эрнисбек ОРМОКОВ, Жалал-Абад шаарынын мэри