1,770 Бардыгы /

ЖАЛАЛ-АБАД. Облуста 2021-жылы калкты таза суу менен камсыздоо программасынын алкагында, жалпысынан 68 айыл жана 4 шаарда тийиштүү иш аракеттер аткарылган. Жумуштар республикалык бюджет жана эл аралыкдонорлордун каржылоосу менен жүргүзүлгөн.

Мында 12 айыл  жана 1 шаарга таза суу жеткирүү жумуштары толук аягына чыккан. Алар Бүткүл дүйнөлүк банктын каржылоосунда Аксы районунан 1 шаар, 6 айылга (Кербен шаары, Ак-Дөбө, Күлүк-Дөбө, Жетиген, Дѳң-Кыштак, Устукан жана Курулуш айылдарына) таза суу жеткирилген. Ислам ѳнүктүрүү банкынын каржылоосу менен Базар-Коргон районундагы 4 айыл  (Аук, Шыдыр, 1-Май, Коткор   айылдары) ичүүчү суу менен камсыздалды. Мындан сырткары республикалык бюджеттен Тогуз-Торо районундагы 2 айылына (Атай, Карл-Маркс айылдары) таза суу берилген.