936 Бардыгы /

ЖАЛАЛ-АБАД. К.Ш. Токтомаматов атындагы Эл аралык университеттин (ЭАУ, Жалал-Абад ш.) күндүзгү окуудагы “Юриспруденция” багыты боюнча 3-курс студенти Рустамбек уулу Нурадин Өзбекстандын борбору Ташкент шаарында 2022-жылдын 22-30-январь күндөрү бокс боюнча улан-кыздар арасында өткөрүлгөн U-22 Азия чемпионатында 71 кг салмагында II орунду ээледи.

ЭАУнун кесиптик багыт берүү жана коомчулук менен байланыштар боюнча кызматы билдиргендей, аталган чемпионатка континенттин 16 өлкөсүнөн 109 мушкер катышкан. Рустамбек уулу Нурадин буга чейин Азиянын жаштар арасында бокс боюнча чемпионатынын коло медалы менен сыйланып, о.э. Кыргыз Республикасынын чемпиону жана бир катар эл аралык, республикалык мелдештердин жеңүүчүсү, байгелүү орундарынын ээси болуп келген. ЭАУнун ректораты, профессор-окутуучулар курамы жана студенттери атынан Рустамбек уулу Нурадинди чын жүрөктөн куттуктап, мындан ары да жогорку деңгээлдеги жаңы спорттук ийгиликтерди жаратышын каалашат.