831 Бардыгы /

БАТКЕН. Мамлекеттик чек ара линиясын аныктоо маселеси – бул Кыргыз-Тажик Өкмөттөр аралык комиссиясынын милдети. Эми ушул комиссия гана Кыргызстан менен Тажикстандын ортосундагы аймактык талаш-тартышка чекит кое алат. Бул жөнүндөгү пикирин Кыргыз Республикасынын Президентинин Баткен облусундагы ыйгарым укуктуу Өкүлү Абдыкарим Алимбаев ачыктады.

Абдыкарим Алимбаев дын баамында, Баткен облусу (Кыргызстан) менен Согдий облусунун (Тажикстан) башчыларынын милдети чек арада жаңжалынын чыгып кетүүсүнө жол бербөө, чек ара аймагындагы экономиканы гана өнүктүрүү болуп саналат.

• Биз чек араны аныктоонун алкагындагы талаш-тартышты аскердик

аракеттер менен чечүү мүмкүн эмес экенидигине дагы бир жолу ынандык. Сүйлөшүү үстөлүндө конструктивдүү жана тынч диалог керек. Анткени, чек арага жакын аймактарда жашаган элдин өмүрү, алардын жана балдарынын келечеги, Кыргызстан менен Тажикстандын жарандарынын болочогу коркунучта! Мен Тажик тарапты Кыргыз-Тажик мамлекеттик чек арасы мыйзамдуу түрдө чечилгенге дейре чек арада абалды курчутуучу билдирүүлөрдү жасоодон карманып турууга чакырам. Бардык күч-аракетти чек арадагы тынчтыкты жана туруктуулукту сактоо, элдердин ортосундагы экономикалык жана маданий байланыштарды бекемдөөгө багыттоону гана сунуштаймын, – деди Кыргыз Республикасынын Президентинин Баткен облусундагы ыйгарым укуктуу Өкүлү Абдыкарим Алимбаев .

Бирок, серепчилердин баамында, мамлекеттик чек араны аныктоо боюнча Кыргыз-Тажик Өкмөттөр аралык комиссиясы эки өлкөнүн ортосундагы аймактык талаш-тартышка чекит кое албайт. Сунуш гана киргизет. А маселени коңшулаш мамлекеттердин Өкмөттөрү гана бир жаңсыл жайгарганга укуктуу. Ошентсе дагы, бул талашка акыркы чекитти Президенттер гана коюшат…

Алишер ТОКСОНБАЕВ, өз кабарчы