1,182 Бардыгы /

ЖАЛАЛ-АБАД. Облустун Ала-Бука районунун аймагындагы кен иштеткен компаниялар тарабынан тургундарга 50 миң сомдон, 700 миң сомго чейинки жеңилдетилген насыя бериле баштайт.

Кыргыз Республикасынын Министрлер Кабинетинин “Жер казынасын пайдаланууда бузулган жерлерди рекультивациялоо жөнүндөгү” токтомунун негизинде, район аймагында тургундарды каржылык колдоо мүмкүнчүлүгү жаралган.

Берилүүчү насыянын жалпы суммасы 70 миллион сомдон ашуун. Ал “Айыл” банк аркылуу бөлүштүрүлүп, бардык категориялар үчүн жеңилдетилген мезгил 6 ай эсебинде аныкталган. Насыянын кайтаруу мөөнөтү жалпы үч жылды түзөт. Ал эми 700 миң сомдон жогорку суммада насыя алуучулар долбоордо камтылган шарттарынын негизинде каржыланат. 

Бул демилгенин негизги максаты, асыл тукум мал чарбачылыгын жолго коюу жана сүт өндүрүмдүүлүгүн жогорулатууга багытталат. Ушул жылы райондо күнүнө 100 тонна сүттү кайра иштетүүчү завод ишке кирет.

Белгилей кетсек, Ала-Бука районунда 2 ири кен иштеткен компания бар.

WWW.