1,275 Бардыгы /

ЖАЛАЛ-АБАД. Жалал-Абад облусунун аймагында 8-10-апрель күндөрү “Мал ууру” аталышындагы ыкчам-иликтөө жана алдын алуу иштери жүргүзүлөт.

Жалал-Абад ОИИБдин басма сөз кызматынын маалыматына ылайык, иш-чара бети ачылбай калган мал уурулук фактыларын бетин ачуу, мал базарларда жана эт азыктарына уурдалган малдарды сатууга бөгөт коюу, малга мыйзамсыз маалым кат бергендерди көзөмөлдөө жана каттоосу жок мал союу жайларын аныктоо максатын көздөйт.

Жалал-Абад областтык ички иштер башкармалыгынын, райондук жана шаардык ички иштер бөлүмдөрүнүн кызматкерлери ар кайсы аймактарга бөлүнүшүп, тиешелүү иштерди жүргүзүшүүдө.

2022-жылдын 3 айында Жалал-Абад облусунда 39 мал уурулук фактысы катталып, 20 кылмыштын бети ачылган.