906 Бардыгы /

БИШКЕК. «Кыргызалтын» ААК башкармалыгынын төрагалыгына «Кыргызиндустрия» ААКсынын жетекчиси Жарасул Абдураимов дайындалды. Ал министрлер кабинетинин башчысы менен макулдашуу боюнча Мамлекеттик мүлктү башкаруу фонду тарабынан бектилди.

Эске салчу жагдай: Жарасул Абдураимов 2013-жылдын сентябрынан 2015-жылдын апрелине чейин «Кумтөр Голд Компани» ЖАКта директордун жергиликтүү сатып алууларды өнүктүрүү боюнча орун басары болуп иштеп, Ысык-Көлдө өнөр жайды өнүктүрүү жана жумуш орундарын түзүү долбоорун жетектеген. Экономикалык өнүгүү министрлигинин техникалык жөнгө салуу башкармалыгын дагы жетектеген. 2020-жылдын октябрынан 2021-жылдын июлуна чейин Президенттин Ош облусундагы ыйгарым укуктуу өкүлү катары ийгиликтүү иштеген.

Жарасул Абдураимов 2021-жылдын июлунан 2022-жылдын январына дейре Экономика жана соода министринин орун басары болуп иштеген. Ушул тапта «Кыргызиндустрия» ААКнын жетекчиси. Буга чейин Умбетали Кыдыралиев «Кыргызалтын» ААК башкармалыгынын төрагасы кызматын аркалап келген.

Алишер ТОКСОНБАЕВ, өз кабарчы