900 Бардыгы /

ЖАЛАЛ-АБАД. КР Президентинин Жалал-Абад облусундагы ыйгарым укуктуу өкүлү Абсаттар Сыргабаев 15-апрелде өткөн Жалал-Абад шаарынын эли менен болгон жолугушуусунда шаардагы Курманбек аймактык башкармалыгында үч кабаттуу заманбап балдар ооруканасынын курулушу башталарын белгиледи.

Жолугушуу учурунда бул жылы Жалал-Абад  шаарынын Курманбек аймактык башкармалыгында үч кабаттуу заманбап балдар ооруканасынын курулушу башталаарын белгиленди.

Облустук Барпы театрында өткөн жолугушууга 500дөй шаар тургундары катышып, 50гө жакын ар түрдүү көйгөйлөр менен кайрылышты. Алардан шаар аймагындагы жер участокторун которуу (трансформациялоо), таза суу, тазалык,  инфраструктуралык көйгөйлөр айтылды. Мындан сырткары Кадыржан Батыровдун 2010-жылдан кийин жергиликтүү тургундар басып алган, учурда муниципалдык менчикке өткөн Спутник аймактык башкармалыгындагы көп кабаттуу үйдүн маселеси көтөрүлдү. Облус башчысы жерлерди трансформациялоо жана көп кабаттуу үйдү тургундарга берүү жагы каралып жатканын, маселе толук мыйзам чегинде чечилээрин айтты.

Жыйында облустук төрөт үйүндөгү медициналык жабдыктардын жетишсиздиги айтылды. Абсаттар Сыргабаев облустук өнүктүрүү фонддун эсебинен эң керектүү жабдыкты сатып алууга көмөктөшөөрүн билдирди. Өкүл мекемедеги көйгөйлөр менен тааныштыгын, алдыда төрөт үйүнө кошумча перенаталдык борбор куруу боюнча долбоор ишке ашаарын айтты.

Жыйында айтылган бардык маселелер протоколдоштурулуп, тийиштүү чечимдер кабыл алынаары кошумчаланып, бир катар кайрылган жарандардын маселеси жеринде чечилди.