1,401 Бардыгы /

ОШ. Президенттин “Тоо экосистемаларын коргоо жана климаттык туруктуулук” аттуу жарлыгынын алкагындагы “Жашыл мурас” Улуттук компаниясына ылайык ОшМУнун табият таануу, туризм жана агрардык технологиялар факультетинин дендрологиялык сейил багына  70 түп ак кайыңдын көчөттөрү олтургузулду.

Бул иш-чараны “Орхус борбору” Эл аралык уюму уюштурду. Буга  Жаратылыш ресурстары, экология жана техкөзөмөл министрлигинин Ош аймактык башкармалыгынын, Ош шаарынын мэриясынын Жаштар иштери боюнча комитетинин, “Кыргыз-Ата” улуттук жаратылыш сейил багынын, “Тазалык” муниципалдык ишканасынын, академик Муса Адышев атындагы ОшТУнун, Батыралы Сыдыков атындагы Кыргыз-Өзбек университетинин жана ОшМПУнун өкүлдөрү активдүү катышышты. 

Аталган экологиялык иш-чарага ОшМУнун табият таануу, туризм жана агрардык технологиялар факультетинин окутуучулары, ошондой эле студенттери активдүү катышып, көчөт тигүү менен катар эле Ак-Буура дарыясынын жээгин  2,5 кубдан ашык таштандыдан дагы арылтышты.

Алишер ТОКСОНБАЕВ, өз кабарчыбыз