2,715 Бардыгы /

Ушул жылдын 7-9-апрель күндөрү Москва шаарындагы Ирина Винер-Усманованын гимнастика сарайында “Достук кубогу-2023” кармашып урушуу боюнча дүйнөлүк кубогунун этабы болуп өтүп, анда майор Ринат Байшериев үчүнчү орунду ээледи.
ИИМдин Ички аскерлеринин басма сөз кызматы билдиргендей, бул спорттук иш-чара Москвада экинчи жолу өткөрүлүп, мелдешке 21 өлкөдөн 300дөн ашык спортчу катышкан. Ага Кыргызстандан дагы спортчулар барган.
Алардын бири ИИМдин ички аскерлеринин 7704 аскер бөлүгүнүн командири
майор Ринат Байшериев болгон. Дүйнө кубогунда Кыргыз Республикасынын желегин татыктуу көтөрүп, дүйнө элинин алдында күжүрмөн жөндөмдүүлүгүн жана
эрктүүлүгүн жогорку деңгээлде көрсөткөн майор Ринат Байшериев 95, 95+
кг салмак категориясында күч сынашып, 3-орунду багындырып кайтты.
Белгилей кетсек, Ринат Байшериев кармашып урушуу боюнча дүйнөлүк кубокко
экинчи жолу катышып, анда да байгелүү орунду ээлеген.