21 Бардыгы /

26-27-октябрь күндөрү Жалал-Абад шаарындагы Раатбек Санатбаев атындагы спорт мектебинде самбо боюнча спорт чебери Бекзат Жаныбековдун жаркын элесине арналган чоңдор жана жаштар арасында самбо боюнча республикалык турнир өттү.

Жалал-Абад шаардык мэриясынын маалымат борбору билдиргендей, турнирге

Жалал-Абад шаарынын мэринин орун басары Уларбек Исмаилов, мэриянын дене тарбия жана спорт бөлүмүнүн башчысы Таласбек Нуралиев, Бекзат Жаныбековдун жакындары жана Кыргызстандын аймагынан 14 жаштан жогорку 200 спортчу катышты. Аталган спорттук иш-чара мэриянын колдоосу менен демөөрчүлөр тарабынан уюштурулган.

Эки күнгө созулган турнирде 71 кг салмактагылар арасында Шерзод Кудайбердиев жеңүүчү аталып, баш байгеге коюлган автоунааны жеңип алды

Белгилей кетсек, Бекзат Жаныбеков 2018-жылы каза болгон.