33 Бардыгы /

Жалал-Абад облустук көркөм сүрөт жатак-мектебинин имараты 1906-жылы курулуп, учурда абалы толугу менен пайдаланууга жараксыз болуп калган. Андыктан көркөм-сүрөт жатак-мектеби жаңы имаратка муктаж.

Жалал-Абад шаардык мэриясынын маалымат борбору билдиргендей,

жатак-мектептеги 30 бала мурдагы жылдан тартып башка жерге убактылуу көчүрүлгөн. Бирок ал жерде дагы жатакана жок болгондуктан балдар башка жатаканаларда жатып, сабак окуп жүрүшөт.

Камчыбек Ташиев жеринде бардык абалды көрүп чыгып, тийиштүү жетекчилерге тапшырмаларды берди. Ага ылайык, жатак-мектептин бардык эски имараттары буздурулуп, ордуна 100 орундуу заманбап шарттарды камтыган “Жалал-Абад облустук көркөм-сүрөт жатак-мектеби” курулат.

Мекемеде, көркөм сүрөткө кызыккан балдар жана кыздар облус аймагынан келип, аталган мекемеде жатып, билим алууга толук мүмкүнчүлүктөр түзүлөт.

Курулуш иштери жакын арада башталып, келээрки жылдын аягына чейин толугу менен бүткөрүлүп, пайдаланууга берилиши керек экенин генерал-полковник Камчыбек Ташиев тийиштүү жетекчилерге милдеттендирди. Ал бул объектини куруу иши өлкө башчысы Садыр Жапаровдун тапшырмасынын негизинде аткарылып баштагандыгын жана курулушту көзөмөлдөө жагын өзү колго алаарын белгиледи.