945 Бардыгы /

ЖАЛАЛ-АБАД. Эл аралык университеттин студенти Абдыкалык кызы Малика спорттун каратэ-до түрү боюнча Кыргыз Республикасынын ачык чемпионатында жана биринчилигинде III орунду ээледи. Бул тууралуу ЭАУнун кесиптик багыт берүү жана коомчулук менен байланыштар кызматы маалымдады.

Маалыматка ылайык, К.Ш. Токтомаматов атындагы Эл аралык университеттин (ЭАУ, Жалал-Абад ш.) “Юриспруденция” багыты боюнча 2-курсунун студенти Абдыкалык кызы Малика спорттун каратэ-до түрү боюнча (кумитэ программасында) Кыргыз Республикасынын ачык чемпионатында жана биринчилигинде +50 кг салмагында III орунду алууга жетишти. Аталган чемпионат Кыргыз Республикасынын Олимпиадалык эмес спорттун түрлөрү боюнча дирекциясы жана Кыргыз Республикасынын каратэ-до “Сётокан” улуттук фелерациясы тарабынан үстүбүздөгү жылдын 23-24-октябрь күндөрү Бишкек шаарында өткөрүлгөн. ЭАУнун профессор-окутуучулар курамы, кызматкерлери, студенттери Абдыкалык кызы Маликанын ийгилиги менен сыймыктанышат жана ага спорт жаатында жаңы, мындан да жогорку деңгээлдеги ийгиликтерге жетишүүсүн каалашат.