1,848 Бардыгы /

ЖАЛАЛ-АБАД. Өтүп бараткан жума ичинде облус аймагындагы шаар-райондук ички иштер бөлүмдөрү тарабынан өспүрүмдөр арасында бир топ алгылыктуу иш-чаралар өткөрүлдү.

Жалал-Абад ОИИБдин басма сөз кызматы билдиргендей, Таш-Көмүр шаарынын аймактардагы билим берүү мекемелеринин жана мектеп окуучулары тарабынан ар кандай терс көрүнүштөгү укук бузууларына жол бербөө максатында түшүңдүрүү иштери жүргүзүлүп, ошондой эле Кыргыз Республикасынын 2015-жылдагы «Балдардын ден соолугуна, дене бой, интеллектуалдык, психикалык, руханий жана адептик өнүгүүсүнө зыян келтирүүнүн алдын алуу боюнча чаралары жөнүндөгү» №185 мыйзамынын талаптарына ылайык жана өспүрүмдөр арасындагы «Ынтымакты бекемдөө, достукту чыңдоо» максатында 8-класстан жогору окуучулар арасында волейбол боюнча мелдеш өткөрүлдү.

Жогорудагы белгиленген максатты көздөгөн спорттук иш-чара Базар-Коргон райондук милиция бөлүмү тарабынан спорттун баскетбол түрү боюнча кыздар жана балдар арасында да мыкты уюштурулуп, жогорку деңгээлде өткөрүлүп, байге ээлерине медаль кубоктор тапшырылып атайын белектер менен сыйланышты.