17,693 Бардыгы /

Ар бир үйдө бапестелип багылып жүргөн тооктун дарылык касиети жөнүндө сиздерге дарыгер тамырчы табып Арыпжан АБДУКАДЫРОВ кеңеш берет.
Ар бир адамга ысыкчан, суукчан деп мүнөз бергендей, тооктун да мүнөзү ысык болуп, ал эми короздун мүнөзү тооктукуна караганда өтө эле ысык келет. Бул үй жаныбарларынын дарылык касиети тууралуу улуу инсан табып Ас-Саидус Самаркандий өзүнүн китептеринин биринде жазып калтырган. Тоок эти башка куштардын этине караганда жумшак жана адам организмине тез сиңип кете турганы менен айырмаланып турат. Ал унутчаактык (склероз) оорусуна дабаа болот, жыныстык органга кубат берет.
Жашы чоң болгон короз этин нокот жана лояга кошуп бышырып жегенде ал адамдын ичиндеги микробдорду тазалайт, шишиктерге ичеги ооруларына дабаа болот. Жаш короздун этин жакшылап кайнатып туруп ичсе, денедеги алсыздыкты, ашкзандын ачышып оорусуна, ичтин жумшашына эң чоң жардам берет. Ал эми картайып калган корозду баса албай калганча жүгүртүп, кийин аны союп, ичин тазалагандан кийин укропту ичине толтуруп, казанга салып этти көмө тургандай суу куюп, анан бир чыны калгычакты кайнатып, андан кийин бышкан этти муздатып эртең менен ач карын жесе боор ичиндеги микробдорду тазалайт. Өпкөнүн эски дартына, деми кысылганга, санчкак (колит) оорусуна, муун ооруларына, тамырлардын бошошконуна жана ашказан ооруларына эң жакшы дабаа болот. Адамдын организмин чыңдайт, эски дарттардан арылууга жардам болот, ошондой эле тоок шорпого капуста, көгүчкөн тукуму, укропторду теңме-тең салып бышырып ичсе өпкө оорусуна жана какырыктын чыгаруусуна жардам берет.
Жаш жөжө короздун этин жеген адам кубатсыздык, кан басымы көтөрүлүүсү сыяктуу оорулардан кутулат. Ал эми тоок майын жегенде дене жумшарып микробдордон сактайт жана башка сүртсө баштын оорусуна (мигрень) шыпаа болот.
Тоокту 12 күн сулу даны менен багып анан бышырып жесе макоо жана пес (витилиго) оорусун да айыктырат.
Тооктун ашказанын (бөтөгө) тазалап кургатып туруп жүзүм кычкыл суусу менен жесе да ашказан жарасын таптакыр сакайтып жок кылат. Ал эми куйрук жагын жумутканын сарысына кошуп жесе эркектин кубаттуулугун жогорулатып, уругун көбөйтөт.
Корозду эрте жазда союп, ичине туз толтуруп, салкын жерде кургатып кийин талкалап керек мезгилде бир чай кашыктан оозго салып шимип жүрсө да кубаттуулукту көтөрүп тез бошонбостукка алып келет. Ал эми тооктун майын кургатып мурунга үйлөсө мурундун канагандыгын токтотот жана ысык канын оозго тамызса көздөгү калды жана акты жок кылат. Минингит оорусу менен ооругандар тооктун ич эттерин башына байласа жакшы таасир берип сакайтат. Тирүү тооктун арка пешабын жылан менен жаман улуу жаныбарлар чаккан жерге койсо, ууну өзүнө тартып алат.
Тооктун ичегисин жууп тазалап кургак казанда саргайгайгыча жакшылап кууруп (күйүп карайып кетпесин), аны талкалап күнүнө бир чай кашыктан үч маал тамактан алдын ысык суу менен дааратын (сийдик) туталбаган жаш балдар жана чоңдор ичсе жакшы жардам берет.
Азыркы медицина илиминин аныктоосу боюнча тоок эң оор болгон ооруларда дагы эң жеңил жана пайдалуу экендиги аныкталды. Тоок этин сүт айран менен жегенге болбойт

Суроо-жооп үчүн байланыш тел.: 0550 84 31 430770 46 95 03.

“Аймак”