8,124 Бардыгы /

2017-2018-окуу жылынын 12- декабрында №29 “Ынтымак” мектебинин 5-9- класстарынын катышуусунда улуу, алп жазуучу Чынгыз Айматовдун 90-жылдыгына карата “Чынгыз десем, кыргыз түшөт эсиме, кыргыз десем Чынгыз түшөт эсиме” аттуу сахналаштырган адабий кечээ өткөрүлдү. Кечеде жазуучуга арналган ырлар, көркөм окулуп анын чыгармаларынан көрүнүштөр чагылдырылды. Мындан тышкары окуучулар тарабынан  “Айтматов-ар дайым жүрөгүбүздө”– деген темада  сүрөт конкурсу жана ”Биз сүйгөн каармандар”- деген темада  кол өнөрчүлүк боюнча көргөзмө уюштурулду. Кечеге райондук билим берүү бөлүмүнүн жетектөөчү адиси  Б. Акпаралиев жана №4 А. Акпаралиев атындагы орто мектебинин кыргыз тили мугалими Кумашова Элмира   эжекейлер келип катышышты.

Жыйынтыгында Б.Акпаралиев окуучулардын таланттуулугун жана алардын орус, англис тилдеринде чагылдырган образдарын баса белгилеп, окуучулардын жазуучуга арнап өздөрү жазган ырларына токтолду. Көргөзмө боюнча “Мыкты сүрөтчү”, “Чебер уста” жана  “Жаш акын” номинацияларына ээ болгон окуучуларга мактоо баракчаларын жана баалуу сыйлыктарды берүү менен адабий китептерди тапшырды. Мектеп коллективи менен бирге кечени уюштурган мугалимдер Курманалиева Батма жана Караева Гүлбарчын эжекелерге ыраазылык  билдирип, иштерине ийгилик каалады.

№29 “Ынтымак” башталгыч мектебинин мугалимдери  Курманалиева.Б,  Караева.Г.