5,988 Бардыгы /

-Кыргыз Республикасынын Президенти Садыр Жапаровго

Мен Жалал-Абад областынын Сузак районунун Ынтымак айылындагы М. Төрөмаматов орто мектебинин 6-классынын окуучусу Аттокурова Наздана Темирбековна. Урматтуу Кыргыз Республикасынын Президенти Садыр Жапаров!

Биз азыркы учурда эскилиги жеткен авариялык абалда турган мектепте окуп келе жатабыз. Бул көрүнүш качанкыга чейин уланат билбейм. Мындан эки жыл мурун жаңы мектеп салынат деп мектептин ордун даярдаган. Кубанычыбызда чек  жок эле. Окуучулар баарыбыз сүйүнгөнбүз. Бирок ушул күнгө чейин ошол боюнча турат. Мен шаарга жакын, жакшы билим алам деп бул мектепке келген болчумун. Бирок тилекке каршы мектептен билим алмак турсун эркин отуруп сабак өтө албай келемин. Класстарыбыз аябай тар. Бир класстын ичинде 25 окуучу окуйбуз. Эки окуучу отуруп сабак окуган партага үчтөн отурабыз. Парталарыбыздын эскилиги жеткен. Кыймылдасак кыйчылдап сынып кетчүдөй болот. Англис тили жана орус тили сабактарынан тайпага бөлүнгөнүбүздө коридордо окуган учурларыбыз болот. Азыркы заманда жашап жатканыма ишенбей кетем, себеби интернеттен эң бир кооз, кабат- кабат мектептерди, интерактивдүү доскалар менен сабак өткөн окуучуларды көрөбүз. Тилекке каршы классыбызга интерактивдүү доска эмес, сабак берген мугалимибиз классыбыз тар болгондуктан өзү кысылып зорго сабак өтүп чыгып кетет. Биз качан ошондой мектепте окуйбуз.

Урматтуу Президент Садыр Жапаров! Бизге да көңүл буруп, жаңы мектептин салынышына жардам берүүңүздү суранамын. Эгер мектеп салынса эң жакшы окуган окуучу болом деп сөз беремин.