2,883 Бардыгы /

Мен 1934 жылы азыркы Жалалабат шаарына караштуу Төш-Кутчу кыштагында колхозчунун үй-бүлөсүндө төрөлгөмүн. Биздин айылда колхоз курулуп К.Е.Ворошиловдун аты берилиптир. Колхозго чейин көпчүлүк айылдаштарыбыз боз үйлөрдө, кээ бирөө там үйлөрдө турушкан. Колхоз куруулары менен көчө салынып, катарлаган турак үйлөр курулуптур.

Колхоздун кеңсеси, мектеби, клубу, дүкөнү, мал сарайы, дан кампасы, мончосу, навай канасы жана башка колхозго керектүү чарбалык шаймандар менен камсыз кылыптыр.

Колхоздун келишин колхозчулар көтөрүңкү  маанайда кабыл алышыптыр. Мектеп жашындагы бардык балдар мектепке окуп башташыптыр. Сабатсыздыкты жойу боюнча чоңдор арасында окуулар жүргүзүлүп баштаптыр. Колхозчулардын баары ишке тартылганын мага апам айтып берген. 1942-жылы мен дагы мектепке бара баштап, 1949-жылы 7-классты бүтүп, ошол эле жылы  Жалалабаттагы областык кыргыз жатак орто мектебине келип кирдим. Мектепте мага окшогон жетим балдар окууша турган. Биз, окучулар жатаканада турчубуз. Тамак-аш, кийим-кече менен өкмөт тарабынан каржылап турушчу. Ошентип биз жакшы шартта окууй баштадык. Бизди жакшы мугалимдер окутушкан.

Орто мектепти 1952-жылы аяктадым. 1953-жылы Фрунзедеги Мамлекеттик медицина институтуна кирип аны 1959-жылы бүтүрүп, врачтык кесибин алдым. Алгачкы жылдары Ала-Букада, Чаткалда  иштеп, андан кийин Октябрь айылында 80 жашыма чейин иштеп, азыр эс-алуудамын. Зайыбым – Гулайша, Республикакага эмгеги сиңген врач акушер-гинеколог, персоналдык пенсионер. Эки уулум, эки кызым, келиндерим да врачтык кесипте иштешүүдө. Небере, чеберелүбүз.

Үстүбүздөгү жылы 100 жылдыгы белгиленип жаткан Улуу Октябрь социалистик революциясынын жеңиш  менен түзүлгөн дүйнөдөгү биринчи социалистик зор мамлекети мага окшогон жетим-жесирлерге, жумушчуларга, дыйкандарга, мурда болуп көрбөгөндөй адилеттуу турмуш шарттар түзүлдү.

Кыргызстандагы Кеңеш Өкмөтү доорундагы өсүп өнүгүүлөр жөнүндө санап айтууга көп убакыт талап кылынат. Мен комсомолдун мүчөсү болуп анан 1964-жылдан ушул күнгө чейин Коммунистик Партиянын мүчөсүмүн. Советтер Союзунун күтүлбөгөн жерден тарап кетишин мен кайгыруу менен  кабыл алдым. Союз учурунда биз Советтик адамдар, кандай болгон күндө да өзүбүздү дүйнөдөгү эң зор, кубаттуу, илим билимге, жогорку гумандуулукка, так илимдерге таянган идеяларга сугарылган эл катары сезчүбүз. Союздун тарап кетишине, мен коммунист катары уят ызасын тартыр келем.

Октябрь революциясынын жеңиши үчүн, Совет мамлекетин фашистик баскынчылардан сактап калсын үчүн миң деген эр азаматтарыбыздын курман болгондордун арбактары бизди кечиреби. Улуу Октябрь социалистик революциясынын жеңиши Кыргыз Републикасынын түзүлүшүндөгү жана  өңүгүшүндөгү ролу чоң. Советтик Союзунун жобосу боюнча Кыргыз мамлекети оңой эле бөлүнүп эгемендүүлүкө жетти. Эгемендүүлүк жылдары кыйынчылыктарга карабай байкаарлык жетишкендердиктерге ээ болдук, бирок өлкөбүздө көйгөйлөрүбүз жок эмес. Кыргыз Республикасынын эл акыны Омар Султановдун радио аркылуу, өлкөбүздө кылмыштууларга өлүм жазасын киргизүү керек деген сөзү, көп нерседен кабар берет. Республикабызда  жүздөн ашык саясий партиялардын болушу, дүйнө элдин алдында уят абалга такайт. Ошондуктан алардын санын биригүү жолу менен кыскарышы орундуу болмок.

Улуу Октябрь социалистик революциянын жүз жылдыгын татыктуу тосуп алалы.

Исмаев Кенжебай, Сузак  району, Октябрь айылы.