3,211 Бардыгы /

Урматтуу шаарыбыздын тургундары, кыргыз калкым!

Кирип келген жаңы жыл баарыбыз үчүн кут болсун!

Жылдын аягында кайгылуу окуяларды эстебей, ийгилик жана жакшылыктарды эстеп, жаңы жылды жакшы каалоо-тилектер менен баштаган оң. Келээрки жылы алдыда пландалган чоң-чоң максаттар, изги тилектерибиз бар.

Жыл ичинде шаарыбыздын эли, ишкерлери жана жергиликтүү мамлекеттик органдары, бейөкмөт уюмдары коомду жакшы жагына өзгөртүү, элдин жашоосун жакшыртуу, социалдык-экономикалык туруктуулук, маданий өрүш үчүн көп эмгектерди жасай алышты. Ошонун натыйжасында шаарыбызда социалдык-экономикалык жактан, инфраструктуралык курулуштар жаатынан көптөгөн ийгиликтер жаралды.

Буюрса кийинки жыл да ийгиликтердин жылы болот деген үмүттөбүз. Бүгүнкү баштаган жакшы иштерибиз уланып, шаарыбыздын көркү ачылып, өнүгүү жемишин берет.

Дагы бир жолу Сиздерди терең урматтоо менен жаңы-жылыңыздар менен куттуктайм. Ынтымак менен жаңы жеңиштерге жетише берели. Ырыскыбыз тоодой болсун, ар бир үйдө аманчылык, барчылык орун алсын. Өлкөбүз бактылуу энелердин, бакубат эр азаматтардын мекени болсун. Жараткан баарыбыздын асыл ниеттерибизди кабыл кылган жылдардан болсун.

Мураталы ТАГАЕВ, Жалал-Абад шаардык кеңешинин төрагасы