2,221 Бардыгы /

Өткөн 2017-жылы аткарылат деп айтылып-айтылып калып кеткен, эл зарыгып күткөн жумуштарга кайрылдык. Көйгөйдүн талуу жери болгонбу айтор айрым бир иштери айтылар менен жергиликтүү ММКларда байма-бай жарыяланып кеткен. Заманбап тил менен айтканда “хит” болуп бирок акырында объективдүү себептер менен кечеңдеп, быйылкы жылга калып отурат. Эми бул иштери быйыл аткарылбаса чынында “уят”. Анда эмесе аларды тизмектеп көрөлүк:
1. “Маданият- Барпы жолу”. Көпчүлүктү кубантып, анан көпкө күттүргөн бул жолдун курулушу да калып кетти. Өкмөттүн Жалал-Абад облусундагы өкүлү Кыянбек Сатыбалдиев жыл жыйынтыгы тууралуу берген интервьюсунда 2018-жылы башталарын билдирген.

2. Жер астынан өтмөк. Жер асты жолунун 2017-жылда калып кетишинин бирден бир себеи шаардык кеңештин ыркка келбеши эле. Бул маселе чечилип жылдын акыркы сессиясында маселе каралган. Бирок долбоор даяр болгонуна эбак болгон эле. Депутаттардын айыан бир жыл кечигүүгө дуушар болду. Эми быйыл өтмөктүн курулары шексиз.

3. Көчкүдөн жабыркагандар дале үйсүз.
2017-жылы чынында табият кырсыктары көп катталды. Эң эле чоң жабыркоолор жер көчкүдөн болду. Жер көчкүнүн айынан жер которгон тургундарды кышка дейре турак-жай салууга шарт түзүп берилет деп айтылган менен, андай болгон жок. Ноокен жана Базар-Коргон райондорундагы жаңы конуштарга айрымдар гана келишкен. Көпчүлүгү кооптуу аймактардан чыга элек. Андыктан жаз келери көчкү балеесинен кудай сактасын.

4. Тротуарлар ошол бойдон, бала бакчалар дале жетишсиз. VI чакырылыштын депутаттары өз ишин жыйынтыктап жатканда жалпыга малымдоо каражаттары менен пресс-конференция өткорүшкөн. Анда ошол кездеги шаардык кеңештин төрагасы Эрнистбек ормоков да, шаар мэри Салайдин Авазов да “Кийинки жылдагы иш аракеттерибизди тротуарларды оңдоп, бала бакчалардын санын көбөйтүүдөн баштайбыз”- дешкен эле. 2017-жыл Жалал-Абад шаарында бир да тротуар жаңыланган жок. Ал эми мурунку жылы жаңыланып. Салынган пеноблокордун эки жылга жетпей тамтыгы чыгып баштады. Эми быйыл Жалал-Абад шаарынын тротуарларына көңүл бурулбаса болбос.

Жогоруда айтылгандар бир учкай гана. Бул сыяктуу жылдан жылга узап жаткан көйгөйлөр көп. Эң жаманы чаң баскан, башкача айтканда ар адйым айтылып, бирок чечим таппай келгендери да бар. Эми кеп алардын аткарылышында калды.