4,837 Бардыгы /

Эгерде, Кыргызстандын географиясы тууралуу сөз баштап, “билесинби деги” дей турган болсок, кеп (гап) башка нукта кетип калгыдай

Ошентсе да, “Түштүк дегенде – Ош, Ош дегенде -Түштүк” туюнтулган, кылымдарды карытып, өсүп – өнүгүп келе жаткан ордолуу Ош шаарына 3018 жыл болсо да, бул шаардын сакралдык сырлары, маданияты, тарыхы, экономикасы тууралуу билгенден билбегенибиз али көптөй сезилет мага. Эмии, кыйын билгендер болсо, кап этпеңиздер

Бала кезибизде раматылык Атакемдин угуп-билгени боюнча бизге айткан уламышка караганда: “Сулайман пайгамбар уйларды “Оош” дегенде ошол жерге токточу экен” деген сымал сөз элес-булас эсте калган

Союз учурунда Икарус деген биз үчүн крутой автобус Жалал-Абад-Ош-Жалал-Абад каттамы менен тынбай жүруп турчу, ошол учурда жаштар арасында ырдала калчу ырдын айрым саптары эсимде:
– Чоң кыз сиз да Ошкобу?
– Ооба.
– Бул орундук бошпу?
– Ооба.
– Окуйсузбу Ошто?
– Ооба.
– ………?
– Ообаа!
– “Ооба” деген кыз менен тааныштым мен, Тооба, Тооба)))

Дагы бир кызыгы, мен Ошко учуп, самолет жерге коноорго жакын илгери популярдуу болгон бул ырды эстебей кое албаймын:
“Оош баайлыкка тоолгон ээкенсин,
Байкабай жүүргөн ээкенмиин!”

Ал эми, бул сүрөттөр болсо былтыр тартылган. Апакемдин орусиядагы небере-чеберелери “Апаа, Энээ, качан келесиз, Сизди сагындык эле, сагындык…” дешкенинен самолет менен жөнөткөнү келгенибизде тартып алганмын. Баса, аэропорт ичиндеги комедия, буйруса, озүнчө башка бир учурда кеп болоор.

Ушул сүрөттөрдү айрым учурда көрүп калганым менен, бул жакка коюнун учуру (паити) чыкпай жаткан, Тообоо дейин, карабайсызбы, азыр дал (бап) келип турганын)

Эмне дейин, байлыгың байкалып да, байкалбай да ашып- ташып, экономикаң эл аралык денгээлге өсүп жетип, эң негизгиси, эң негизгси, тээ эзелки Ыйыктыгың ыдырабай, Асманың ар дайым ачык болуп, Жериңде-Элиңде Кут даарып, “Ооба, Тооба” деген создор жакшылыктарда айтылып, укканды жылмайтып, жылуулук гана тартуулап турсун, менин Ордолуу ОШ шаарым

Зирек Асанова, Бишкек шаары