4,010 Бардыгы /

Урматтуу Мураталы мырза!

Жалал-Абад шаарындагы Муниципалдык жүргүнчү ташуучу авто базанын директору Жапаров Жыргал автобазанын ишин жүргүзүүдө одоно мыйзам бузуп, айдоочулардын эмгектерин баалабаганы үчүн бул билдирүү катты жазууга мажбур болдум.

Себеби, Жалал-Абад шаардык депутаттардын чамамда 2016-жылдын март айындагы токтомунда Жалал-Абад шаардын аймагындагы 1-класттан 6-класска чейинки мектеп окуучулар муниципалдык автобуста мектептерге барып келүүсү бекер деген токтом болгон, башка жүргүнчүлөгө жол кире 5 сом болгон. Жалал-Абад шаардык билим берүү башкармалыгы тарабынан 2016-жылга 600дөн ашык 1-6-класска чейинки мектеп окуучу пайдаланат деген тактаманы муниципалдык автобаза берген. 2017-2018-2019-жылдары 2500дөн ашык 1-6-класска чейинки мектеп окуучу пайдаланат деген тактама берилген.

Эгер кудайдан, мыйзамдан корккон жетекчи айтылган 2500 1-6-класска чейинки мектеп окуучуну муниципалдык автобустун айдоочулары бул окуучулардын коопсуздугуна жооп берип, бекер ташыганы үчүн эмнеге эмгек акыларын бербеши керек.

Жалал-Абад шаарынын муниципалдык жүргүнчү ташуучу автобазанын автобустары ошол жогорудагы айтылган мектеп окуучулар каникулга чыкканда бул автобустар да каникулга чыгып дем алышат. Алтынчы жана базар күндөрү, майрам күндөрү мектеп окуучулар дем алышта болсо, бул муниципалдык жүргүнчү ташуучу автобазанын автобустары да дем алышта болушат. Жалал-Абад шаардык мектеп окуучуларынын артынан күн көргөн муниципалдык жүргүнчү ташуучу автобазанын айдоочулары 1-6-класс мектеп окуучуларын бекер ташып, эмгек акы албагыдай, Бул айдоочулар директор Жапаров Жыргалдын кулу эмес го! Бул окуяны Жалал-Абад шаардык бардык депутаттары жана Жалал-Абад шаарынын бардык жарандары билишетго. Эмне бул айдоочулардын үй-бүлөлөрү жокпу? Ушул убакка чейин эмгек акысын сураган айдоочулар автобазадан айдалып кеткен. Эмнеге бул окуя боюнча Жапаров Жыргал жооп бербеши керек. Качан чындык болот? Айдоочулардын эмгек акылары төлөттүрүп берилеби , жокпу?

Сурамжылоого караганда автобазанын директору Жапаров Жыргалдын айлык маянасы 200 (жыйырма миң) сомдон жогору экен. Линияга чыккан 7 же 8 автобус иштейт, ушул 7,8 автобуска 7же 8 адам автобазадан айлык алат. Бул айдоочулар күнүмдүк тапкан выручканын 14% айлык маяна кылып алат деген автобазанын айдоочусу менен договору бар.

Урматтуу Мураталы мырза!

Сиз айтыңызчы, депутаттардын токтому боюнча 1-6 класс окуучуларды муниципалдык жүргүнчү ташуучу автобустун айдоочусу автобазанын эсебинен эмгек акы ала албай, бекер ташууга милдеттүү деген мыйзам барбы?

Эгер сиз муниципалдык жүргүнчү ташуучу автобаза айдоочуларынын 1-класстан 6-класска чейинки мектеп окуучуларды бекер ташыганы үчүн муниципалдык автобаза эсебинен төлөттүрүп бере албасаңыз, өлкө жетекчилерине кайрылууга мажбур болом.

Бул директор Жапаров Жыргал мырзанын иштеген ишине кесиби туура келбегендиктен, ушундай нааразычылыктар болгон деп ойлойм. Айдоочулар төрт жылдан бери мектеп окуучуларга кызмат кылып койду. Сиз эмне дейсиз? Эмнеге айдоочулардын эмгеги эске алынбай калган?

Сизди терең урматтоо менен, укук коргоочу  Арапбай Нишанбаев