1,833 Бардыгы /

ЖАЛАЛ-АБАД. Ноокен районуна караштуу Сакалды айыл аймагында аялдар арасында  спорттук иш чара болду.

“Элеттик аялдардын экономикалык укуктарын жана мүмкүнчүлүктөрүн кеңейтүү” программасынын алкагында Кыргызстандагы БУУнун аялдар түзүмүнүн колдоосунда Жалал-Абад регионалдык айылдык консультациялык кызматы менен биргеликте өткөрүлдү.

Ага Жалал-Абад айылдык консультациялык кызматынын директору Сыргабек Жойболотов, облустук эксперт Надырбек Качкынбаев, программанын координатору Каныкей Тунсунбаева, жергиликтүү бийлик өкүлдөрү жана  тургундар катышты.

Ага  Аримжана жана Чоң-Багыш айылдарында, түзүлгөн өз ара жардамдашуу топторунун арасында, көргөзмө болду.  Ага улай эле элеттик айымдар өздөрү жасаган курактары жана өндүргөн азык-түлүктөрүн жарманкеге алып чыгышкан.

Андан сырткары топтор арасында футбол оюну өткөрүлдү. Мында жеңип чыккан командалар кубок, диплом жана башка баалуу белектер менен сыйланышты.

“Аймак”