4,927 Бардыгы /

Жыл сайын күз айларында жабылып калчу Казарман-Жалал-Абад жолу 28-апрелден бери аракет кылып жатып июнь айынын башынан баштап ачылып, азыркы учурда жол каттоого шарт түзүлдү. Жамгырдын тынымсыз жааганынан улам улам быйыл бир аз бул жол кечигип ачылды. Бул жолдун абалын көрүп билүү үчүн КР Өкмөтүн Жалал-Абад областтык ыйгарымдуу өкүлчүлүгү атайын комиссияны ээрчитип барып көрүп келди. Жолдо баратып ДЭП -31 ишканасынын жумушчулары иштеп жатканына күбө болдук. 4 техникасы иштеп жатыптыр. Жолчулар шарты оор, айлык аз экенине карабай иштеп жатканын айтышты. Буларга жардамга Чаткалдан Касым Досматов деген булдузерист жардамга келиптир. Ал бул тармакта иштегенин 40 жыл болгонун айтып сыймыктанды. Айлык акылары аз болуп жатканын айтып даттанышты. Бирок ошого карабай көнүп калган ишибиз экен иштеп жатабыз, -дейт ДЭПтин жетекчиси Жолболду Базаркулов. . Жолду такай көзөмөлдөп турбаса, жамгыр жааса эл эле сел алып, шагыл түшө берет, -деди жолчулар . Тогуз-Торо району тараптан да 4 техника иштеп жатканын райондун акими Тилек Идирисов айтып берди

КР Өкмөтүнүн Жалал-Абад облусту боюнча өкүлү Ж.Жээнбеков эртең жаздан бери жолдун ачылуусуна аракет кылып, акыры жол ачылганын айтып, биз келип көрүп бир жерлерди оңдоо боюнча сын пикирлерибизди айтып, милдеттендирдик. Буюрса, Тогуз-Торо Жалал-Абад катнашы жактырып, тогузторолуктар үчүн айыл чарба азык-түлүктөрү дароо арзандайт, -деди Ал эми жолду оңдоого буга чейин 500 миң каражат сарпталганын №6 өндүрүштүк линиялык авто жол башкармасынын жетекчиси Асилбек Орозбаев маалымдады.

Бул пикирди аким Т.Идирисов да ырастады. Жол октябрь айынын башында барып кайрадан жабылат.

Орозалы КАРАСАРТОВ -AYMAK.KG Фото автордуку