Абдылбакы ААЛИЕВ: “ЭЛДИН ТАКАЙ ЖАРДАМЫНА МУКТАЖБЫЗ!”

6 Бардыгы /

Учурдагы социалдык жана экономикалык каатчылык майыптыгы бар мекендештерибизди деле кыя өткөн жок. Ооба. Булар баарынан мурун олуттуу соккуларга кабылып олтурушат. Ошондуктан, кабарчыбыз Кара-Кулжа райондук азиздер, дүлөйлөр жана дудуктар коомунун төрагасы Абдылбакы ААЛИЕВге атаын жолугуп, замандаштарыбыздын бүгүнкү ал-акыбалын кенен-чонон сураштырды.

-Абдылбакы мырза, эң башкы байлык – ден соолук. Ошондуктан, деги тынч-амансыздарбды?

-Кудайдын улуу күнүндө – Орозо маалында алыскы Кара-

Кулжага атайын сапарлап, биздин ал-акыбалыбызды атайылап сурамжылаганыңызга миң мертебе ыракмат! Ылайым Сизге Аллах өзү ыраазы болсун! Эми биз деле эл арасында тынч-аман жана дагы түгөлбүз, айланайын!

-Баса, бийик тоолуу Кара-Кулжа жергесинде заман

каатчылыгына жараша майыптар деле көбөйгөндүр?

-Биз мүмкүнчүлүгүбүзгө жараша андай жердештерибиздин

эсебин сөзсүз жана дагы абдан так алып турабыз. Азырынча биздин коомубуздун 110 гана мүчөсү бар. Ошондуктан, районубуздагы ар бир Айыл Өкмөтүндө биздин активисттерибиз үзгүлтүксүз гана иштешет. Дал ошолор аркылуу күн сайын атайылап кабарлашып, кем-карчын даана сурап-билип турабыз.

-Президент Садыр Жапаров Сиздерди өзгөчө

камкордукка бөлөп атпайбы? Туурабы?

-Ананчы! Каржылык тартыштыкка карабастан,

президентибиз Садыр Жапаровдун жеке көзөмөлү аркасында жакыр жашаган үй-бүлөлөргө жөлөк пул дээрлик 2000-2500 сомго дейре көбөйтүлдү. Мындан тышкары көрүсүү абдан начар биринчи жана экинчи топтогу майыптарга 1000 сомдон өзүнчө төлөнүп жатат. Менимче, мындай жышаан дагы ырааттуу түрдө улантылат деген терең ишеничтемин!

-Ошентсе деле баары бир Сиздер дагыле үзгүлтүскүз

жардамга муктажсыздар да?

-Ооба. Жашырып не. Элибиздин такай жардамына дагыле

муктажбыз! Ошол себептүү биз жергиликтүү бийликтер жана тыңчыкмалар менен ушул тапта абдан тыгыз жана ийиндеше иштешип жатабыз. Ошол себептүү алар дагы бизди жалаң гана майрамдарда эстешпестен, а түгүл күн кур эмес кабар алып, зарыкканда жардамдашып деле келатышат.

-Абдылбакы мырза, учурдан пайдаланып эли-

журтуңузга эмне тилемекчисиз?

-Адегенде баарыңыздардын туткан Орозоңуздар кабыл

болсун! Адамзатындагы эң башкы байлык бул – ден соолук! Ошондуктан баарыңыздарга бекем сак-саламатчылык гана тилеймин!