2,169 Бардыгы /

ОШ. Ош шаардык жолдор башкармалыгына жапжаңы жана дагы заманбап атайын техникалар тапшырылды.

Бул атайын техникалар менен Ош шаарынын мэриясынын аппарат жетекчиси Камчыбек Досматов жеринде таанышып, бул жабдуулар менен ишкананын мүмкүнчүлүктөрү бир топ жогорулап, жол жумуштарын өз алдынча ишке ашырууга шарт түзөөрүн дагы баса белгиледи.  Ал эми Ош шаардык жолдор башкармалыгынын башчысы Арзыбек Жунусовдун айтымында, бул сапар төмөнкүдөй атайын техникалар сатылып алынды: вибракаток, салмагы 10 тонна, 2022-жылы чыгарылган; жол фрезердик станок (жолдорду оңдоодо топуракты же жолдун үстүнкү катмарын (мунун ичинде асфальт-бетонду) алып салуу, жумшартуу жана майдалоо үчүн колдонулуучу машина), салмагы 16 тонна, 2022-жылы чыгарылган; жол чийиндерин чийүүчү атайын станок (2022-жылы чыгарылган) жана Hyundai porter автоунаасы.

Ошентип, аталган инвестициянын жалпы көлөмү бул сапар 450 миң долларды түзүп олтурат.

Алишер ТОКСОНБАЕВ, өз кабарчы