1,713 Бардыгы /

ОШ. Кара-Суу районундагы Катта-Талдык Айыл Өкмөтүнүн аймагында суюк азот өндүрүүчү заманбап завод ишке киришти.

Айыл чарба долбоорун ишке ашыруу бөлүмүнүн маалыматына караганда, аталган суюк азот малды жасалма жол менен уруктандырууда кеңири колдонулат. Жаңы ишкана суткасына 312 литр суюк азотун чыгарат. Демек, бул Кыргызстандын дээрлик түштүк аймактарын жетиштүү тейлегенге жетет. Баса, былтыр сентябрда ушундай эле завод Кыргызстандын түндүк аймактары үчүн Чүй облусунун Байтик айыл өкмөтүндө ачылган эле. Анын өндүрүмдүүлүгү – суткасына 400 литр.

Белгилей кетчү жагдай: аталган эки ишкана тең “Элита” айыл чарба малдарын жасалма уруктандыруу боюнча мамлекеттик асыл-тукум бекетине карайт. Инвестициянын жалпы көлөмү 450 миң долларды чапчыйт.

Алишер ТОКСОНБАЕВ, өз кабарчы