1,512 Бардыгы /

     БАТКЕН. Ушул жылдын 24-25-август күндөрү Баткен шаарында ойнотулган «Баткен Пауэр» лотереясы мыйзамсыз уюштурулган. Бул туурасында Улуттук коопсуздук комитетинен (УКМКдан) маалымдашты. Ошондуктан, аталган фактыга байланыштуу Кылмыш-Жаза Кодексинин 218-беренеси («Мыйзамсыз ишкерлик кылуу») менен кылмыш иши козголуп, а түгүл тинтүү иштери дагы жүргүзүлдү.

Ошентип УКМКнын Баткендеги башкармалыгы менен Баткен облустук прокуратурасы кылмышка шектүү адамдардын иштеген жана жашаган жеринде тинтүү дагы жүргүзүштү. Анда 800 миң сом акча, банк карталары, машиналарды пайдалануу үчүн берилген ишеним каттар дагы алынды. Ошондой эле байге катары ойнотулат делген жети машина убактылуу токтотуучу жайга коюлду. Ар бир турда орточо байге фонду беш миллион сомдон сегиз миллион сомго чейин болгон. Ойнотулган билеттердин саны 2800 даананы түзгөн.  

Баса, аталган лотереянын уюштуруучулары байгелерди ойнотууда катышуучуларды кадимкидей         алдашкан. Тактап айтканда, лотереянын жеңүүчүлөрү болгон фигураларды колдонуу фактылары аныкталган. Бирок, чындыгында,  байгелерди уюштуруучулар бөлүштүргөнү ырасталды.  

Алишер ТОКСОНБАЕВ, өз кабарчы