843 Бардыгы /

ЖАЛАЛ-АБАД. 1-сентябрдан баштап Жалал-Абадда Яндекс Go ишке кирди. Унаага буйрутма берүү үчүн тиркемени жүктөп, аны ачып, тийиштүү даректи көрсөтүү керектелет. Кызмат өзү геолокация иштетилгенде колдонуучунун абалын аныктайт жана эң тез келе турган айдоочуну табат.

Жол жүрүүнүн баасы 19 сомдон башталат. Мисалы, “Фрунзе” жаңы гипермаркинен ЦУМга чейин 60 сомго жакын чыкса, аэропорттон шаардык ооруканага чейин 64 сомго жетет. Жол кире акысын сиз накталай же тиркемеге байланышкан банк картасы менен да төлөй аласыз.

«Биз бул кызмат Жалал-Абад шаарынын жол жүрүү тармагынын сапатын жакшыртат деп эсептейбиз. Колдонуучулар эми таксиге буйрутма берүүнүн түшүнүктүү, тез жана эң негизгиси жеткиликтүү ыкмасына ээ болушат. Жол жүрүүнүн чоо-жайын көрүү, жакын адамыңызга унаа буйрутма кылуу, качан унааны чакыруу пайдалуу экенинин билүү ж.б.баарын – бирдиктүү тиркеме аркылуу жасоого болот. Жүргүнчүлөрдү ташуучулар жана айдоочулар үчүн онлайн сервистинин ишке кириши буйрутмалардын агымын камсыздап, алардын кирешесин көбөйтүп, токтоп калуу менен убакытты текке кетирбөө мүмкүнчүлүгүн берет”,-дейт Яндекс Go компаниясынын Кыргызстан боюнча аймактык менеджери Тилек Сулайманов.

Бул сервисте күн-түн онлайн колдонуу кызматы бар. Эгерде колдонуучу сапарга нааразы болсо, унаада бир нерсесин унутуп калса же суроо бергиси келсе – тиркеме аркылуу колдоо кызматына кайрылса болот жана алар ага жардам беришет.

Белгилей кетсек, Яндекс Go Кыргызстанда 2017-жылдын күз мезгилинде пайда болгон. Кызматты Жалал-Абаддан тышкары Бишкек жана Ош шаарларында колдонсо болот. Акысыз тиркеме iOS жана Android үчүн кыргыз, орус, англис жана башка тилдерде жеткиликтүү.