1,017 Бардыгы /

ЖАЛАЛ-АБАД. Бүгүн, 9-сентябрда Жалал-Абад шаарынын мэри Эрнисбек Ормоков  калаадагы Хамза көчөсүндөгү  асфальт төшөө жумуштарынын жүрүшүнөн кабар алды.

Жалал-Абад шаардык мэриясынын маалымат борбору билдиргендей,

шаардагы Хамза көчөдө акыркы 25 жылдан бери оңдоп-түзөө жумушуштары жүргүзүлгөн эмес.  Аталган көчөнүн узундугу 723 метрди түзүп, 5,5 метр кеңдикте асфальт төшөлүүдө. Ага жергиликтүү  бюджеттен 5 млн. 654 миң сом акча каражаты бөлүнгөн. 

Калаа башчысы аткарылып жаткан жумуштардын сапатына көңүл буруп, тургундарга мындан ары таза жана туура пайдалануу  зарылдыгын белгиледи. Ушул эле күнү Икрамов жана Мукуми көчөлөрүн жөө кыдырып, сел арыктардын абалы менен да таанышып чыкты.

Белгилей кетсек, Жалал-Абад шаарында жергиликтүү бюджеттен жыл башынан бери 7 көчөгө асфальт төшөлүүдө. Алардын айрымдары аягына чыкса, учурда бир нечесинде асфальт төшөө иши кызуу жүрүп жатат.