2,844 Бардыгы /

ЖАЛАЛ-АБАД. Кечээ, 17-октябрда Жалал-Абад шаарындагы Раатбек Санатбаев атындагы спорт мектебинде Кыргыз Республикасынын бокс боюнча эмгек сиңирген машыктыруучусу, СССРдин спорт чебери, Жалал-Абад шаарынын ардактуу атуулу, спорттун бокс түрү боюнча эл аралык жана дүйнө чемпиондорун чыгарган мыкты машыктыруучусу Кочкорбек Алимжановдун жаркын элесине арналган бокс боюнча жаштар арасындагы IX эл аралык турнирдин ачылуу аземи өттү.

Жалал-Абад шаардык мэриясынын маалымат борбору маалымдагандай, иш-чаранын расмий ачылышына Жалал-Абад шаардык мэриянын аппарат жетекчиси Эрнист Зияйдинов, областтык жана шаардык спорт бөлүмүнүн жетекчилиги, машыктыруучулар, спортчулар жана спорт күйөрмандары катышты. Мелдешке Казакстан, Өзбекистан, мамлекеттеринен келген командалар, спорт чеберлери жана Кыргызстандын аймактарынан келген жалпысынан 100дөн ашуун спортчулар катышууда. 11 команда катышкан мелдеште мушкерлер 48 кгдан 80 кг га чейинки салмактык категорияда күч сынашат.

Мелдеш 20-октябрда жыйынтыкталат. Жеңүүчүлөргө дипломдор, кубоктор жана баалуу белектер берилет.