1,230 Бардыгы /

ЖАЛАЛ-АБАД. Кечээ, 17-октябрында К.Ш. Токтомаматов атындагы Эл аралык университетте (ЭАУ, Жалал-Абад ш.) салтанаттуу түрдө күзгү студенттик спартакиаданын ачылышы болду.

ЭАУнун кесиптик багыт берүү жана коомчулук менен байланыштар боюнча кызматы билдиргендей, бул спартакиада 21-октябрга чейин өткөрүлөт. Спартакиаданын максаты: спорт аркылуу студент жаштар арасында сергек жашоо ыңгайын жайылтуу, республикалык деңгээлде спартакиадаларга жана универсиадаларга окуу жайдын командаларын даярдоо. Спатакиада спорттун төмөнкү түрлөрү боюнча өткөрүлөт, алар: волейбол, баскетбол, стритбол, мини футбол, стол тенниси, чатыраш, тогуз коргоол, жеңил атлетика, аркан тартышуу. Спартакиаданын ачылышына арналган салтанаттуу чогулушта тарбия иштери боюнча проректор Анвар Жолдошбаев, ЭАУнун институттарынын жана колледждеринин директорлору спортсмен студенттерибизге албан-албан спорттук ийгиликтерди жана аларга жетишүүдө командалык ынтымактагы оюндарды каалап кетишти. Мындай спартакиадалардын өткөрүлүшү бул окуу жайдын жакшы салттарынан болуп калган, ал салттарды 1993-жылдан бери университеттин туңгуч ректору, э.и.д., проф. К.Ш. Токтомаматов негиздеп кеткен.

“Спартакиаданын жеңүүчүлөрүнө жакшы сыйлыктар берилет. Биздин спортсмен улан-кыздарыбызга мыкты спорттук ийгиликтерди каалайбыз!”,-дейт университеттин тарбия иштери боюнча проректору А.Жолдашбаев.