1,167 Бардыгы /

ЖАЛАЛ-АБАД. Ала-Бука районунун Ак-Там айылында эки бала бакчанын курулуш иштери жүрүүдө.

Аймактагы социалдык объектилердин абалы менен Кыргыз Республикасынын Президентинин Жалал-Абад облусундагы ыйгарым укуктуу өкүлүнүн орун басары Эркинбек Маматаев таанышып чыкты.

Азыркы учурда райондун Ак-Там айыл аймагындагы Ак-Там жана Кызыл-Ата айылдарында 90 орундуу эки бала бакчанын курулуш иштери 70-80 пайызга аяктап калган. Мектепке чейинки билим берүү мекемелерин курууга райондун өнүктүрүү фондунан жалпы 39 млн. сомго жакын каражат бөлүнгөн.

Белгилей кетсек, Ала-Бука районунда жалпы 28 бала бакча болуп, камсыздоо 32 пайызды түзөт. Район боюнча дагы төрт бала бакчанын курулуш иштери уланууда.